કલંક
મારા ગર્ભના પોલાણમાં
પ્રસરી રહ્યું છે
વેરાન રણ
લીલાછમ્મ થવા મથતાં
મારા સ્ત્રીત્વને
નિર્મૂળ કરી દે છે
એનો ભૂખાળવો ઝંઝાવાત
પણ
મને તો ગમે છે
ભૂરાંભમ્મર ઝાંઝવા
અને
પ્રસવની પીડા પણ
એથી જ
અવતારું છું
રોજ
એકાદ-બે ઝાંઝવાં
કલંકોને ધોતી રહું છું
એ રીતે...
8 Comments:
માતૃત્વની ઝંખનાની અભિવ્યક્તિ પહેલી જ વખત વાંચી. બહુ જ સુંદર. આ ભાવ પર કોઇ સ્ત્રી લખે તો એક સરસ નવિન રચના બને.
પહેલી પંક્તિમાં ગર્ભ ના સ્થાને ગર્ભાશય વધારે ઉચિત થાત .
ખૂબ જ સરસ રચના..!!
પરંતુ મને એનું શીર્ષકના ગમ્યું. કદાચ સાહિત્યની રીતે બરાબર હશે; પરંતુ માતૃત્વ ઝંખતી કોઇ સ્ત્રી માટે આ વાત કલંક હોતી નથી, રૂઢિચુસ્ત સમાજ એને કલંક બનાવે છે, એ વાત મને યાદ આવી ગઇ..
સરસ કવિતા... ઘણા લાં.....બા સમય પછી દેખાયા છો, મિત્ર! મળતા રહેજો વારંવાર, શબ્દોના રસ્તે..
શીર્ષક ભલે કઠે એવું લાગે, બરાબર જ છે. વાસ્તવિક્તા હોય અને કઠે નહીં એવું કદી બને ખરું?
સરસ વાત લખી છે ડી.
હેલ્લો, ડી,
મારેી શુભેચ્હાઓ !! તમારો આ ગુજરાતેી બ્લોગ ખરેખર સુન્દર ચ્હે. સદાય ને માતે આ ઉમ્દા કાર્ય ચાલુ રાખ્જો તે વિનન્તિ..
lovely verse! Hope you dont mind me linking to your blog.
hi, im very sory to say that the desinging of the site is very poor.. so please find the good desinger ,otherwie no body is ready to read the contetnt
once again im extreamly sorry
Post a Comment
Links to this post:
Create a Link
<< Home