Tuesday, August 21, 2007

તારું નામ દઉં

શ્રદ્ધા ફળે જો એને તારું નામ દઉં,
ખુદા મળે જો એને તારું નામ દઉં.

કોરા-કટ કાગળમાં સૂકાભઠ શબ્દો,
લાગણી સળવળે જો એને તારું નામ દઉં.

દિલને થીજવતી આ ઠંડી શૂન્યતા,
બરફ ઓગળે જો એને તારું નામ દઉં.

હવે આ આગમાં કશુંયે ના હોમશો,
ભડકે બળે જો એને તારું નામ દઉં।


Wednesday, June 27, 2007

એટલે....

  • તારી યાદ એટલે
    સવારે મારા ઓરડામાં
    વેર વિખેર કાગળના ડૂચાઓમાં
    ડૂસકાં ભરતી
    કવિતા.
  • સૂર્ય એટલે
    પોતાનીજ આગમાં
    સળગ્યા કરતું
    કો’ક અન્ય પણ છે
    એવી સાંત્વના